NUKANCHIK UKSHA WASI (Nuestra casa de paja)

Kunan punchakuntapika kay  Guangaje llaktapika sumak  ñawpa wasikuna mana tiyamushkachu, shinallatak wakin ayllullaktakunapika mana kay wasikunata rurankunachu, chaymantami  tukuy llaktakunata pushak mashikuna  ashka llakirishka rikunkuna.

Nukanchik hatun ruku yayamakunaka mana kay wasikuna rukay tukunkunachu maypika churikuna, ushushikuna  mana munankuna kay sumak uksha wasita, rurashpa kuchun, sarun punchakuna tukuy ayllullaktakunapimi  charinakurka chaypika tukuykuna kay uksha wasillaw kawsanakurka,  kaypika mana kay ruku bloque wasikuna tiyarkachu,   shutak  mutsurika tukuy llaktapi kawsay  turi, pani, tayta mamakunami ayllullakta sitashpa llukshinakun kay hatun markakunaman uksha wasita sitashpa rikunkuna. Kay llakikunaka mana kay llaktallapichu rikurin, tukuy marcakunapi tiyan ashtawan shuktakuna kunan watakunapi chinkarishpa katimunkuna, tukuy Ecuadorr mama llakta ukupi.

Mashi Juan Manuel Toaquiza imashina uksha wasita ruranatami riksichin, kashna wasikunata  rurankapaka kay kuskakunatami mutsurinchik nin, puntapika shuk ashpata charina, chaymanata yatata allana imashina wasita ruranishpapish, chay kipaka yura makikunatami maskana kanchik hatun ashka yura ukukunapi, kay yura sapikunata tukuy wasita rurak ayllukunami maskankuna, chaymanta uksha waskatami rurankuna chakllakuna wasita rurashpa watankapak, chay kipaka shuk  mashi mashi tutkuy ayllukunapak wasita rinkuna kay hayak hakuta apashpa , shuk mana kashpaka ishkay uksha wankuta mañashpa kay wasita rurankapak, chaypi ayllukuna hayak yakuta upiashpaka wasi katay punchapimi kay uksha wankunta apashpa shamunkuna, chaypimi tukuykuna makita kushpa kay sumak uksha wasita rurashpa kukuna, chay kipaka muti, llama aycha, kuchi aycha, kuy kusashka mikuykunami tiyan nishpa willachin mashi Manuel Toaquiza kay llaktata pushak.

Kunak punchakunapika hatun pushakunami kay wasikunata patrimonio comunitario nishkata rurashun  ninkuna, kay wasikuna ashtawan tiyashpa katichuk kay Guangaje llaktapi, shinallatak tukuykuna kay wasikunata charinakuchuk ashtawan  sumak ayllullaktakuna wiñachinshpa katinkapak.

Ashtawan kay ñawpa yachaykuna ama washaman sakinkapak katichuuk  tukuykunami makita churana kanchik, kay sumak wasikuna ayllullatakunapi ashtawan ama wañushpa katichuk kay sumak yuyaykuna wichiman apashunchik, kay patrimonio cultural nishkata wiñachishpa katishunchi nukanchik ayllullaktamanta pacha.

Shinallatak nukanchi shamuk wawakunaman yachachina kanchik kay kawsayta ama chinkachichun.

Por: Huascar Toaquiza